Ким Чен Ин Шимолий Корея етакчилигига қайта сайланди
Пхенянда 15-чақириқ Олий Халқ Ассамблеясининг биринчи сессияси бўлиб ўтди.
Ким Чен Ин Шимолий Корея етакчилигига қайта сайланди.
Шимолий Корея етакчиси Ким Чен Ин Пхенянда очилган 15-чақириқ Олий Халқ Ассамблеясининг биринчи сессиясида КХДР Давлат ишлари бўйича раис этиб қайта сайланди. Бу ҳақда Рёнхап агентлиги Шимолий Корея давлат оммавий ахборот воситаларига асосланиб хабар берди.
"Ким Чен Ин 15-чақириқ Олий Халқ Ассамблеясининг биринчи сессиясининг биринчи кунида КХДР Давлат ишлари бўйича раис этиб қайта сайланди", дейилади хабарда.
Рёнхап агентлигининг таъкидлашича, сессия давомида Ким Чен Иннинг энг яқин шерикларидан бири сифатида танилган Чо Ёнг-вон Чое Рёнг-хе ўрнига Олий Халқ Ассамблеяси Доимий қўмитаси раиси этиб сайланган.
Аввал Шимолий Кореядаги сайловларда 99,99 фоиз иштирокчи қатнашгани хабар берилганди.
