Музаффар Комилов Президент администрациясига ўтди

Музаффар Муротович Камилов Президент администрациясининг диний-маърифий масалалар бўйича департаменти бошлиғи лавозимига тайинланди.

Шу муносабат билан Президентнинг вакиллик органлари, нодавлат нотижорат ташкилотлар, дин ва ёшлар масалалари бўйича маслаҳатчиси ўринбосари лавозимидан озод этилди.

Музаффар Комилов Ўзбекистон халқаро ислом академияси ректори бўлиб ҳам ишлаган.

Бунгача президентнинг дин ва миллатлараро муносабатлар масалалари бўйича маслаҳатчиси эди.

Бундан ташқари, президентнинг жамоат ва диний ташкилотлар билан ҳамкорлик масалалари бўйича маслаҳатчиси, Дин ишлари бўйича қўмита раисининг биринчи ўринбосари лавозимларида ҳам фаолият юритган.