Азизхон Шавкатов Тошкент шаҳар ҳокими ўринбосари этиб тайинланди
У аввал пойтахт Инвестициялар, саноат ва савдо бошқармаси бошлиғининг биринчи ўринбосари лавозимида ишлаган.
Тошкент шаҳар ҳокимига ўринбосар тайинланди.
Шавкатов Азизхон Анварбек ўғли Тошкент шаҳар ҳокимининг Туризм, маданият, маданий мерос ва оммавий коммуникациялар масалалари бўйича ўринбосари этиб тайинланди.
У Тошкент давлат иқтисодиёт университетини тамомлаган.
Тайинловга қадар Азизхон Шавкатов Тошкент шаҳар Инвестициялар, саноат ва савдо бошқармаси бошлиғининг биринчи ўринбосари лавозимида фаолият юритиб келаётган эди.
Аввалроқ Мирмуҳаммад Мирҳамидов Тошкент шаҳар ҳокимининг комплаенс ва коррупцияга қарши ички назорат бўйича ўринбосари этиб тайинланганди.
