Озарбайжон Эрондан дипломатик корпусини тўлиқ олиб чиқади
Бу Озарбайжоннинг Нахчиван шаҳрига дрон ҳужуми билан боғлиқ. Ҳужум Эрон ҳудудидан уюштирилгани айтилган.
Озарбайжон ўзининг дипломатик ходимларини Эрондан олиб чиқишга қарор қилди. Бу иш аллақачон бошланган, деди Озарбайжон ташқи ишлар вазири Жейҳун Байрамов.
"Озарбайжон президенти Илҳом Алиев дипломатик ходимларини бутунлай олиб чиқишга қарор қилди", деди дипломат. "Бу Теҳрондаги элчихонага ҳам, Табриздаги бош консулликка ҳам тегишли."
Кеча Озарбайжоннинг Нахчиван шаҳрига дрон ҳужум қилди. Халқаро аэропорт терминалига ҳам зарар етди. Озарбайжон расмийлари дронлар Эрон ҳудудидан учирилгани ҳақидаги хабарларни тасдиқладилар.
Президент Алиев бу воқеани "террористик ҳужум" деб атади.
Ўзбекистон президенти Шавкат Мирзиёев Илҳом Алиев билан суҳбатда мазкур ҳужумни қоралади.
