Шофиркон туманига янги ҳоким тайинланди
Бугун халқ депутатлари туман кенгашининг навбатдан ташқари сессияси бўлиб ўтди.
Амонов Мўмин Олимович Шофиркон тумани ҳокими этиб тайинланди. Халқ депутатлари туман кенгашининг навбатдан ташқари сессиясида ушбу масала кўрилган.
М.Амонов 1988 йилда Шофиркон туманида туғилган. Бухоро озиқ-овқат ва енгил саноат технологияси институтини тамомлаган.
Айни пайтга қадар у Бухоро шаҳар ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари – ободонлаштириш бошқармаси бошлиғи лавозимида ишлаб келаётган эди.
Бунгача туманга 2023 йил апрелдан бери Алишер Файзуллоев раҳбарлик қилаётган эди.
