ЖССТ полиомиелитга қарши янги вакцинани тасдиқлади
Полиомиелит ўткир шол касаллиги бўлиб, асаб тизими, айниқса, орқа мияни шикастлайди.
ЖССТ полиомиелитга қарши янги вакцинани тасдиқлади.
Жаҳон соғлиқни сақлаш ташкилоти полиомиелитнинг 2-турига қарши янги вакцина(nOPV2)ни тасдиқлади.
Қайд этилишича, ушбу восита амалиётга киритилгач, мазкур касалликнинг авж олишини чеклаш мумкин бўлади.
ЖССТ маълумотларига кўра, оғизга томчи орқали қабул қилинадиган nOPV2 препарати амалда қўлланилаётган муқобилларига нисбатан юқори генетик барқарорлик ва самарадорликка эга. Янги эпидемиялар пайдо бўлиши хавфини камайтиради.
Шу маънода, янги вакцинадан фойдаланиш кўплаб мамлакатларни полиомиелитдан холи ҳудудларга айлантириш имконини беради.
ЖССТ маълумотларига кўра, вакцина ишлаб чиқиш ва ўз вақтида етказиб беришдаги ютуқлар ўз самарасини бермоқда. Ўтган йили Покистон ва Афғонистоннинг 24 та туманида ёввойи полиовируснинг 41 та ҳолати қайд этилган, 2024 йилда бу кўрсаткич 49 та туманда 99 тага тенг эди.
Полиомиелит ўткир шол касаллиги бўлиб, асаб тизими, айниқса, орқа мияни шикастлайди. Асосан 5 ёшгача бўлган болаларга бу вируснинг юқиш хавфи юқори ҳисобланади. Баъзан фалажлик ва ўлим ҳолатларини келтириб чиқариши мумкин.
