Хитой Янги йилида фожиа: мушаклар дўконидаги портлашда 8 киши ҳалок бўлди

Хитойда Янги йил арафасида мушаклар дўконида портлаш: камида 8 киши ҳалок бўлди.

Фожиа ортидан ҳукумат мушакларни ишлаб чиқариш ва сотиш устидан назоратни кескин кучайтиришини маълум қилди.

Маҳаллий Донгхай тумани ҳукуматининг маълум қилишича, 15 февраль куни тушдан кейин бир фуқаро дўконга яқин жойда мушаклар ёққани оқибатида ҳалокатли портлаш юз берган.

Расмийлар шундай қўшимча қилди:

“Фавқулодда вазиятлар бошқармаси, ёнғин хавфсизлиги, жамоат хавфсизлиги ва соғлиқни сақлаш органлари зудлик билан воқеа жойига етиб бориб, қутқарув ва тезкор чораларни амалга оширди.”

Бу ҳодиса миллионлаб одамлар эртага нишонланадиган Ой тақвими бўйича Янги йил — Хитойда Баҳор байрами деб аталадиган байрам арафасида осмонни мушаклар билан ёритишга ҳозирлик кўраётган бир пайтда юз берди. Бу йил мучал ҳисобига кўра от йили кириб келади.

Ярим тунда петардалар ёқиш узоқ йиллик анъана ҳисобланади, бироқ сўнгги йилларда кўплаб шаҳарларда ҳаво ифлосланиши сабабли мушаклардан фойдаланиш чекланган.

Ўтган йили айрим ҳудудларда тақиқлар юмшатилгани сабабли мушаклар отиш яна қайтиши мумкин эди.

Аммо кечаги фожиа ортидан Хитой Фавқулодда вазиятлар вазирлиги мушакларни ишлаб чиқариш, ташиш ва сотиш устидан назоратни кучайтиришни буюрди.

Расмийлар дўконлар яқинида мушак ва петардаларни синаб кўришни қатъиян тақиқлаш зарурлигини таъкидлаб, маҳаллий ҳукуматларни халқ Баҳор байрамини хавфсиз ва хурсандчилик билан ўтказиши учун барча хавфли ҳолатларни бартараф этишга чақирди.

Бугун эълон қилинган баёнотда вазирлик: “Шунга ўхшаш ҳодисаларнинг такрорланишига қатъий йўл қўйилмаслиги керак”, — дея таъкидлади.

Бу Хитойда мушаклар тартибсизликка сабаб бўлаётган биринчи ҳолат эмас.

Ўтган йил октябрь ойида Лиуянг шаҳрида катта мушак намойиши жиддий хатолик билан якунланиб, даҳшатли манзараларни юзага келтирган эди.

Янги йил арафасидаги ушбу фожиа кенг кўламли терговга сабаб бўлди ва унда тунги клуб беш йил давомида йиллик хавфсизлик текширувидан ўтмагани аниқланган.