Нодирбек Абдусатторов Tata Steel Chess турнири чемпиони бўлди
У турнирдаги муваффақиятли иштирокидан сўнг онлайн рейтингда дунёнинг ТОП-5 кучли шахматчиси сафига қайтди.
Нодирбек Абдусатторов нуфузли Tata Steel Chess турнири чемпиони бўлди.
Ҳамюртимиз 13 имкониятдан 9 очко жамғарди ва турнирда якка ҳокимлик билан чемпион бўлди. Шунингдек, ушбу турнирдаги муваффақиятли иштирокидан сўнг онлайн рейтингда дунёнинг ТОП-5 кучли шахматчиси сафига қайтди.
Абдусатторов олдинги йилларда ҳам чемпионликка яқин келганди – 2023 йилда 2-ўрин, 2024 йилда 3-ўрин, 2025 йилда 3-ўрин. У тўртинчи уринишда ўз мақсадига эришди.