Қоракўлдаги уйда газ портлади
Ҳодиса сабаб икки киши жароҳатланган, ҳалок бўлганлар йўқ.
Қоракўлдаги уйда газ портлади. Икки киши жароҳатланган.
Бугун, 31 январ куни Бухоро вилояти, Қоракўл туман "Тинчлик" МФЙ “Шўробод” кўчасида жойлашган 2 қаватли уй хонадонларининг бирида газ-ҳаво аралашмасининг чақнаши содир бўлганлиги тўғрисида ФВБга хабар келиб тушган.
Воқеа жойига ФВВ қутқарувчилари ва бошқа тегишли хизматлар етиб борган. Ҳозирда вазият оқибатлари бартараф этилмоқда.
Дастлабки маълумотларга кўра, газ плитасидан фойдаланиш жараёнида сизиб чиққан газ натижасида чақнаш содир бўлганлиги тахмин қилинмоқда.
Ҳодиса оқибатида 2 нафар фуқаро тан жароҳати олган ва шифохонага юборилган. Ҳалок бўлганлар йўқ.