АҚШ Марказий Осиёга нисбатан савдо чекловини бекор қилишни қўллаб-қувватлади
Жексон-Веник тузатиши 1974 йилда қабул қилинган. АҚШ давлат котиби Рубио уни "ўтмиш қолдиғи" деб атади.
Трамп маъмурияти АҚШнинг Марказий Осиё республикалари билан савдосини чекловчи Жексон-Веник тузатишини бекор қилиш тўғрисидаги қонун лойиҳасини қўллаб-қувватлайди.
Буни АҚШ Давлат котиби ва Миллий хавфсизлик бўйича маслаҳатчи Марко Рубио тасдиқлади.
"Биз розимиз", деди у АҚШ Сенатининг Ташқи алоқалар қўмитаси тингловида Жексон-Веник тузатишини бекор қилиш имконияти ва Вашингтоннинг Марказий Осиё мамлакатлари билан муносабатлари ҳақида фикр билдирар экан.
"Менимча, биз буни кўришни истаймиз. Чунки бу бизга (Марказий Осиё республикалари билан ҳамкорликни кенгайтириш учун) янада кўпроқ иш қилиш имконини беради", деб таъкидлади АҚШ Давлат котиби.
Жексон-Веник тузатиши АҚШда 1974 йилда қабул қилинган. Унда икки томонлама савдони нормаллаштириш Совет Иттифоқидан яҳудийларнинг кўчиб келиши масаласи билан боғланган. Рубио илгари ҳужжатни "ўтмишдаги давр қолдиғи" деб атаган эди.
Давлат котибига бу мавзу бўйича савол берган қонун чиқарувчи Марказий Осиё мамлакатлари учун Жексон-Веник тузатишини бекор қилиш тўғрисидаги қонун лойиҳасини аллақачон тайёрлаганликларини аниқлади.