ФИФА собиқ президенти ЖЧ-2026ни бойкот қилишга чақирди

ФИФА собиқ президенти Йозеф Блаттер АҚШдаги Жаҳон чемпионатини бойкот қилишга чақирди.

Блаттер АҚШ президенти Доналд Трамп сиёсати сабаб 2026 йилги Жаҳон чемпионатини мухлислар томонидан бойкот қилиш ташаббусини қўллаб-қувватлади.

Бунга АҚШ президенти Доналд Трамп ва унинг маъмуриятининг мамлакат ичида ҳамда халқаро майдондаги хатти-ҳаракатларини сабаб қилиб кўрсатди.

Х ижтимоий тармоғидаги постида ўтган ҳафта Швейцариянинг Дер Бунд газетаси билан суҳбатда Марк Пит томонидан билдирилган фикрларни қўллаб-қувватлаб, бойкотга чақирди.

Блаттер эса 1998–2015 йилларда жаҳон футболини бошқарувчи ташкилот — ФИФА президенти бўлган ва коррупция бўйича тергов фонида истеъфога чиққанди.

Дер Бунд газетаси билан интервьюсида Пит шундай деган эди:

“Агар муҳокама қилинган барча жиҳатларни инобатга олсак, мухлисларга бериладиган ягона маслаҳат — АҚШга борманг! Барибир телевизорда томоша қилиш қулайроқ. Агар борсангиз ҳам, расмийларга ёқмасангиз, дарҳол кейинги рейс билан ортга қайтарилиш эҳтимоли бор.”

Х'даги постида Блаттер Питнинг сўзларини келтириб, шундай деб қўшимча қилди: “Менимча, Марк Питнинг гапида жон бор”.

Шу тариқа ФИФА собиқ президенти АҚШда ўтказиладиган Жаҳон чемпионатини бойкот қилишга чақирувчиларга қўшилди.

Жаҳон чемпионати АҚШ, Канада ва Мексика ҳамкорлигида 11 июндан 19 июлгача ўтказилади.

Халқаро футбол ҳамжамиятининг АҚШга нисбатан хавотирлари Трампнинг Гренландия бўйича позицияси, саёҳат тақиқлари ҳамда мигрантлар ва иммиграция сиёсатига қарши намойишчиларга нисбатан АҚШ шаҳарларида, айниқса Миннеаполисда, қўлланилган кескин чоралар билан боғлиқ.

Германия футбол федерацияси вице-президентларидан бири Оке Гöттлих жума куни Hamburger Morgenpost газетаси билан суҳбатда Жаҳон чемпионатини бойкот қилиш масаласини жиддий кўриб чиқиш вақти келганини айтди.

Икки ҳафта аввал Трамп маъмурияти Сенегал ва Кот-дъИвуардан бўлган мухлисларнинг сафар режаларини издан чиқарди. Янги тақиқ бу давлатлардан келадиган шахсларнинг, агар аввалдан визаси бўлмаса, жамоаларини қўллаб-қувватлаш учун АҚШга киришини амалда имконсиз қилди. Трамп бунга текширув ва саралашдаги камчиликларни асосий сабаб сифатида кўрсатди.

Шунингдек, Жаҳон чемпионатига йўлланма олган Эрон ва Гаитидан келадиган мухлислар ҳам АҚШГА киритилмайди — бу давлатлар Трамп маъмурияти эълон қилган дастлабки саёҳат тақиқи рўйхатига киритилган.