Филиппинда бортида 350 нафардан ошиқ киши бўлган паром чўкиб кетди
Камида 15 киши ҳалок бўлган, 28 йўловчи эса бедарак йўқолди.
Филиппин жанубида паром чўкиб кетди, натижада камида 15 киши ҳалок бўлди.
Паром бортида 350 дан ортиқ одам бўлган, 28 йўловчи эса бедарак йўқолган.
MV Trisha Kerstin 3 пароми Минданао оролининг жануби-ғарбий чеккасидаги Замбоанга шаҳри портидан жўнаб кетганидан тахминан тўрт соат ўтгач, маҳаллий вақт билан соат 2:00 атрофида фалокат сигналини берди.
Паром Жоло оролига кетаётганда Басилан провинциясидаги Балук оролидан тахминан беш километр шарқда чўкиб кетди.
Соҳил қўриқлаш қўмондони Ромел Дуа AFP агентлигига берган интервьюсида камида 316 киши қутқарилганини айтди.
Қутқарув операциясига ёрдам бериш учун Соҳил қўриқлаш самолёти воқеа жойига йўл олмоқда. "Ҳарбий-денгиз кучлари ва ҳаво кучлари ҳам ўз кучларини сафарбар қилди", деди у.
Соҳил қўриқлаш хизмати дастлабки маълумотларга кўра, паром ортиқча юк ортилмаган.