Индонезияда йирик кўчки оқибатида 7 киши ҳалок бўлди
Бундан ташқари 82 киши бедарак кетган. Йўқолганлар сони кўпроқ ҳам бўлиши мумкин.
Индонезияда кўчки оқибатида 7 киши ҳалок бўлди, 82 киши бедарак йўқолган.
Индонезиянинг Ғарбий Ява провинциясида кучли ёғингарчилик оқибатида юз берган кўчки натижасида 7 киши ҳалок бўлди, 82 киши бедарак йўқолди. Қидирув-қутқарув ишлари олиб борилмоқда.
Индонезиянинг Ғарбий Ява провинциясида юз берган кўчки оқибатида 7 киши ҳалок бўлди, 82 киши бедарак йўқолган.
Бу ҳақида 24 январ куни мамлакатнинг фавқулодда вазиятларни бошқариш агентлиги маълум қилди. Ҳудудда кучли ёғингарчилик кузатилгани хабар қилинмоқда.
Маҳаллий расмийларнинг айтишича, кўчки Ғарбий Бандунг ҳудудидаги бир қишлоқда содир бўлган.
Агентлик матбуот котиби Абдул Муҳари Reuters агентлигига берган интервьюсида шундай деди:
“Бедарак йўқолганлар сони жуда кўп, бугун қидирув ва қутқарув ишларини имкон қадар максимал даражада олиб боришга ҳаракат қиламиз”.
Маҳаллий Kompas.com нашрининг хабар беришича, Индонезия метеорология агентлиги аввалроқ 23 январдан бошлаб бир ҳафта давомида Ғарбий Ява провинциясида кучли ёғингарчиликларни ўз ичига олган кескин об-ҳаво ҳақида огоҳлантирган эди.