Рамзан Қодировнинг ўғли Адам автоҳалокатга учради
Унинг аҳволи оғир экани айтилган. Қодиров ётқизилган тиббиёт муассасасига олиб борадиган йўллар тўсиб қўйилган.
Чеченистон раҳбари Рамзан Қодировнинг ўғли Адам Қодиров йўл-транспорт ҳодисасидан сўнг Грознийдаги шифохонага олиб кетилди.
Қодиров ётқизилган тиббиёт муассасасига олиб борадиган йўллар тўсиб қўйилган.
Чеченистон мухолифати ҳаракати Нийсо хабарига кўра, Адам Қодировнинг кортежи "катта тезликда ҳаракатланган ва тўсиққа дуч келган".
"Натижада машиналар бир-бирига урилиб кета бошлади, шунинг учун кўплаб қурбонлар борлиги ҳақида хабарлар бор, аммо бундай шов-шувга сабаб бўлаётган одам Адам", деб хабар берди ҳаракатнинг Телеграм канали.
Авариядан сўнг Грознийда кўчалар тўсиб қўйилди ва республика шифохонаси ёпилди. Дастлабки маълумотларга кўра, кичик Қодировнинг аҳволи оғир.
Адам Қодиров Чеченистон раҳбари Рамзан Қодировнинг 18 ёшли ўғли. У республика ҳукуматида бир қанча юқори лавозимларни эгаллайди. Хусусан, Адам Қодиров Чеченистон Хавфсизлик Кенгаши котиби ва республика Ички ишлар вазирлиги куратори.
2023 йил сентябр ойида у Қуръонни ёқишда айбланган Никита Журавелни тергов ҳибсхонасида калтаклаган видеони эълон қилганидан кейин машҳурлик қозонди. Кейинчалик Журавел диний туйғуларни ҳақорат қилишда, давлатга хиёнат қилишда айбдор деб топилди.