Қора шоколад қаришни секинлаштирадиган бирикмага бой экани аниқланди
Ушбу модда теобромин бўлиб, у какао дарахтида кўп миқдорда учрайдиган алкалоиддир.
Янги тадқиқотга кўра, қора шоколад биологик қаришни секинлаштирадиган бирикмага бой экани аниқланди.
Ушбу бирикма теобромин бўлиб, у какао дарахтининг ловияларида сезиларли кўп миқдорда учрайдиган алкалоиддир.
Лондон Қироллик коллежи олимлари бошчилигидаги тадқиқотчилар гуруҳи қонида теобромин миқдори юқори бўлган одамларда биологик қаришнинг секинроқ кузатилишини аниқладилар. Бу белгилар ДНК метилациясига асосланган иккита асосий биомаркер - ёшга қараб ўзгариб турадиган кимёвий маркерлар ёрдамида ўлчанди.
Олимлар 1669 кишидан қон намуналарини таҳлил қилиб, кофеин ва теобромин каби бирикмаларнинг парчаланиш маҳсулотлари концентрациясини баҳоладилар. Теобромин ва ёшроқ биологик профил ўртасидаги боғлиқлик статистик жиҳатдан аҳамиятли эди.
Тадқиқотчилар какао ва қаҳваларда топилган бошқа кимёвий моддаларни ҳам синаб кўришди, аммо фақат теобромин қариш билан боғлиқликни кўрсатди. Бироқ, тадқиқот муаллифлари қора шоколадни, айниқса ширин шоколадни кўпроқ истеъмол қилишни қўллаб-қувватламасликларини таъкидлайдилар, чунки унинг камчиликлар томонлари ҳам бор.
Уларнинг таъкидлашича, теобромин мувозанатли овқатланишнинг бир қисми сифатида ишлатилганда энг самарали бўлиши мумкин. Ушбу иш бизга кундалик овқатлар соғлом ва узоқ умр кўришнинг калитларини қандай сақлаши мумкинлигини тушунишга ёрдам беради.
Олимлар ушбу фойдали хусусият фақат таркибида какао миқдори юқори (камида 70% ва ундан кўп) бўлган қора шоколадга тегишли эканлигини таъкидлашади. Сутли ёки шакари кўп бўлган шоколадларда бундай шифобахш таъсир кузатилмайди.