АҚШ "грин карта" дастурини тўхтатиб қўйди
Бунга Браун университетидаги отишма сабаб бўлган. Ҳодисада ўзбекистонлик талаба ҳалок бўлганди.
АҚШ расмийлари "грин карта" лотерея дастурини тўхтатиб қўймоқда, деб эълон қилди АҚШ Ички хавфсизлик котиби Кристи Ноэм.
Унинг сўзларига кўра, бунга сабаб Браун университетидаги отишмада гумонланувчи мамлакатга ушбу дастур орқали келган.
"Президент Трампнинг кўрсатмаси билан мен дарҳол USCISга (АҚШ Фуқаролик ва Иммиграция Хизматлари) америкаликларга ушбу дастурдан энди зарар етказмасликларини таъминлаш учун DV1 дастурини тўхтатиб қўйишни буюраман", деб ёзди у Х ижтимоий медиа платформасида.
Браун университетидаги отишмада икки талаба ҳалок бўлди ва яна бир неча киши жароҳат олди.
Қурбонлардан бири ўзбекистонлик талаба саналади.
Эслатиб ўтамиз, ҳар йили кузда ўтказиладиган дастур бу йил декабрга келиб ҳам очилмади.