АҚШдаги отишмада ўзбекистонлик талаба ҳалок бўлди
Ўзбекистоннинг АҚШдаги ваколатхоналари тегишли идоралари билан мазкур воқеа юзасидан иш олиб бораётганини маълум қилди.
АҚШдаги отишмада ўзбекистонлик талаба ҳалок бўлди.
АҚШнинг Род-Айленд штати, Провиденс шаҳрида жойлашган Браун университети ҳудудида содир бўлган фожеали отишма оқибатида ўзбекистонлик талаба МуҳаммадАзиз Умурзоқов ҳалок бўлди. Бу ҳақда ТИВ матбуот хизмати хабар берди.
Ўзбекистоннинг АҚШдаги ваколатхоналари вакиллари марҳумнинг қариндошлари билан доимий алоқада бўлиб, АҚШнинг тегишли идоралари билан ҳамкорликда барча масалалар юзасидан яқиндан иш олиб бормоқда.
Отишмада тўққиз киши ҳам жароҳат олди, улардан бири шифохонадан чиқарилди, иккинчиси эса оғир, аммо барқарор аҳволда.
АҚШ расмийлари жиноятда гумонланувчини ҳибсга олганини эълон қилишди: у 24 ёшли Бенжамин Эриксон, у аввал Вашингтонда яшаган.