Оҳангарон тумани ҳокими ишдан олинди
Унинг ўрнига Баҳромжон Норқобилов ҳоким лавозимига тасдиқланди.
Бугун бўлиб ўтган халқ депутатлари Оҳангарон туман кенгашининг навбатдан ташқари сессиясида туман ҳокими лавозимида ишлаб келган Дониёр Мадиримов вазифасидан озод қилинди.
Сессияда маъруза қилган Тошкент вилояти ҳокими Зойир Мирзаев Ветеринария ва чорвачиликни ривожлантириш қўмитаси раиси лавозимида ишлаб келган Баҳромжон Норқобилов номзодини Оҳангарон тумани ҳокими лавозимига тавсия қилди.
Халқ депутатлари Оҳангарон тумани кенгаши Баҳромжон Норқобиловни туман ҳокими этиб тасдиқлади.
Сессияда Президент маслаҳатчиси ўринбосари Пўлат Бобожонов ҳам иштирок этди.