Нетаняҳу Исроил президентидан афв этишни сўради

Бош вазир Бенямин Нетаняҳу Исроил президентидан авф сўради.

Нетаняху сўнгги беш йил давомида учта алоҳида иш бўйича пора олиш, фирибгарлик ва ишончни суиистеъмол қилиш айбловлари билан судланиб келмоқда. У барча айбловларни рад этади.

Авф этиш орқали суд жараёни тўхтайди ёки умуман бекор қилинади, жиноят учун жавобгарлик олиб ташланади ёки айбловлар олиб ташланади.

Исроил Бош вазири Бенямин Нетаняху, унга қарши давом этаётган коррупция айловини олиб ташлашни Исроил президенти Исҳоқ Ҳерцогдан сўради. Президент идораси эса Адлия органлари фикрини олганидан сўнг, бу талабни кўриб чиқишини маълум қилди.

Нетаняхуга сўнгги беш йил давомида учта алоҳида иш бўйича пора олиш, фирибгарлик ва ишончни суиистеъмол қилиш бўйича айбловлар қўйилган.

Исроил мухолифати эса у аввал айбини тан олиши кераклигини таъкидлади.

Ноябр ойи бошида АҚШ президенти Доналд Трамп ҳам Исроил президенти Ҳерцогни Нетаняхудан айбловларни тўлиқ олиб ташлашга чақирган эди.

Якшанба куни президент идораси бу фавқулодда сўровнинг аҳамияти ва унинг оқибатларини инобатга олган ҳолда Нетаняхунинг расмий сўрови ҳамда унинг шахсий хатини эълон қилди.

Қарор қачон чиқарилиши борасида ҳеч қандай маълумот берилмади.

2020 йилда Бенямин Нетаняху амалдаги бош вазир сифатида суд қилинаётган биринчи исроиллик раҳбар бўлган.

•Биринчи ишда прокурорлар у қудратли бизнесменлардан пора сифатида асосан сигара ва шампан олганини даъво қилган.

•Иккинчи ишда у моддий манфаат эвазига Исроилдаги газетанинг тарқатилишига ёрдам таклиф қилганликда айбланмоқда.

•Учинчи ишда эса прокурорлар у йирик алоқа компанияси акциядорининг манфаатини кўзлаган ғайриқонуний қарорларни қабул қилганликда айбланмоқда.

Нетаняху барча айбловларни рад этган ва суд жараёнини сиёсий рақиблари томонидан уюштирилган “фитна” деб атаган.

Якшанба куни эълон қилинган видеомурожаатида у унга қарши даъволар кучсизлигини, бироқ жараён Исроилни ичкаридан парчалаб ташлаётганини айтди.

Нетаняху ўзидан ҳар ҳафта уч марта судда кўрсатма бериш талаб қилинаётганини айтиб, буни имконсиз талаб дея таъкидлади.

Мухолифат етакчиси Яир Лапид шундай деди: авф фақат айбни тан олиш, пушаймонлик билдириш ва Нетаняху сиёсий ҳаётдан дарҳол кетиши шарти билан берилиши мумкин.

Чап қанот сиёсатчиси, Исроил қуролли кучлари собиқ ўринбосари Яир Голан эса: “фақат айбдорлар авф сўрайди”, деди.

Исроилнинг Асосий Қонунига кўра, президент жиноятчиларни авф этиш ва уларнинг жазоларини камайтириш ёки енгиллаштириш ҳуқуқига эга.

Нетаняхунинг ўнг қанот Ликуд партияси ва унинг тарафдорлари ҳар доим уни авф этишни қўллаб келган.

Шунингдек, Халқаро жиноят суди ўтган йили Нетаняху ва собиқ мудофаа вазири Йоав Галлантга қарши Исроил ва ҲАМАС ўртасидаги уруш чоғида содир этилган уруш жиноятлари ва инсониятга қарши жиноятлар учун ҳибсга олиш ордери чиқарган.

Нетаняху бу қарорни “антисемитик” деб атаб қоралаган.