Тошкент давлат юридик университетига ректор тайинланди
Бахшилло Ходжаев аввал университетнинг илмий ишлар ва инновациялар бўйича проректори лавозимида фаолият кўрсатган.
Тошкент давлат юридик университетига ректор тайинланди.
Ходжаев Бахшилло Камолович Тошкент давлат юридик университетининг ректори лавозимига тайинланди.
Бахшилло Ходжаев 1982 йилда Бухоро вилояти, Бухоро шаҳрида туғилган. Маълумоти олий, ҳуқуқшунос, 2-даражали адлия маслаҳатчиси. 2004 йилда Тошкент давлат юридик институтини бакалавр босқичини, 2006 йилда магистратура босқичини, 2018 йилда Нагоя (Япония) университетининг докторанратура босқичини тамомлаган.
Меҳнат фаолиятини 2004 йилда “Мезон хусусий хизмати” адвокатлик фирмаси адвокат ёрдамчиси лавозимидан бошлаган.
-2005-2006-йилларда Тошкент туман Қишлоқ ва сув хўжалиги бўлими юридик хизмат мутахассиси;
- 2006-2013-йилларда Тошкент давлат юридик институти “Хўжалик ҳуқуқи ва хўжалик протсессуал ҳуқуқи” кафедрасининг ўқитувчиси, катта ўқитувчиси, доцент вазифасини бажарувчиси;
- 2013-2014-йилларда Тошкент давлат юридик университети Бизнес ҳуқуқи кафедраси доцент вазифасини бажарувчиси;
- 2014-2018-йилларда Япониядаги Нагоя университети Қиёсий ҳуқуқ йўналиши докторанти;
- 2018-2019-йилларда Адлия вазирлиги ҳузуридаги Ҳуқуқий сиёсат тадқиқот институтининг бош маслаҳатчиси, бўлими бошлиғи, директор ўринбосари;
- 2019-2020-йилларда Адлия вазирлиги Юридик таълим ва суд-экспертиза фаолиятини мувофиқлаштириш бошқармасининг бошлиғи ўринбосари;
-2020-2022-йилларда Тошкент давлат юридик университети Бизнес ҳуқуқи кафедрасининг мудири, Хусусий ҳуқуқ факультетининг декани.
Тайинловга қадар (2022 йилдан) Тошкент давлат юридик университетининг илмий ишлар ва инновациялар бўйича проректори лавозимида фаолият кўрсатган.
Бунгача Исломбек Рустамбеков ректор вазифасини бажарувчи бўлиб ишлаб келаётганди.