Фарғона нефтни қайта ишлаш заводида ҳомила ташлаб кетилди
Суд-тиббий экспертизаси маълумотномасида ҳомила ўғил бола жинсига мансуб 3-4 ойлик эканлиги келтирилган.
Фарғона нефтни қайта ишлаш заводи ҳудудида чақалоқ жасади топилди. Вилоят ИИБ мазкур маълумотни тасдиқлади.
Маълум бўлишича, жорий йилнинг 28 ноябр куни Фарғона нефтни қайта ишлаш заводи ҳудудида ер майдонига ҳомила кўмиб кетилганлиги аниқланган.
Суд-тиббий экспертизасининг дастлабки маълумотномасида, ҳомила ўғил бола жинсига мансуб 3-4 ойлик эканлиги келтирилган.
Мазкур ҳолат юзасидан Фарғона шаҳар прокуратураси томонидан терговга қадар текширув ҳаракатлари олиб борилмоқда, дейилади хабарда.