Андижонда наркосавдогарлар қўлга олинди

Фарғона водийсида гиёҳвандлик воситаларининг ноқонуний айланмасига қарши тезкор тадбирлар ўтказилди.

ДХХ, Ички ишлар ва Божхона органлари ҳамкорлигида ўтказилган тезкор тадбирда, Марғилон шаҳрида яшовчи, 1996 й.т. фуқаронинг “Матиз” русумли автотранспорт воситаси тегишли тартибда текширилди.

Натижада, автомашина салонида 866 гр “гашиш” моддаси борлиги аниқланиб, ашёвий далил сифатида олиб қўйилди.

Маълум бўлишича, гумонланувчи умр заволи ҳисобланган ушбу гиёҳвандлик воситасини келгусида сотиб, бойлик орттиришни мақсад қилган.

Ҳозирда унга нисбатан Жиноят Кодексининг 25 орқали 273-моддаси 5-қисми билан жиноят иши қўзғатилиб, “қамоқ” эҳтиёт чораси қўлланилди.

Тергов ҳаракатлари олиб борилмоқда.

Бошқа ҳолатда эса, Фарғона ва Андижон шаҳарларида яшовчи фуқароларга кучли таъсир қилувчи дори воситаларини сотиш билан шуғулланиб келаётган шахслар тўғрисида тезкор маълумотлар олинган. Сўнгра Давлат хавфсизлик хизмати, Ички ишлар ва Божхона органлари ходимлари ҳамкорлигида Фарғона шаҳрида уларни қўлга олиш тадбири ўтказилди.

Жумладан, Андижон вилоятининг Қўрғонтепа туманида яшовчи 2 нафар наркосавдогар Қирғиз Республикасидан контрабанда қилинган 4508 дона “Регапен” кучли таъсир қилувчи дори воситаларини харидорга 12.800 АҚШ долларига сотган вақтларида қўлга олинди.

Ҳозирда уларга нисбатан Жиноят Кодексининг 28 орқали 246-моддаси 1-қисми ва 251 прим 1 моддаси 5-қисми билан жиноят иши қўзғатилиб, “қамоқ” эҳтиёт чораси қўлланилди.

Тергов ҳаракатлари олиб борилмоқда.