Трамп ЖАРни АҚШда ўтадиган G20 саммитига таклиф этмаслигини эълон қилди
АҚШ Давлат департаменти Жанубий Африка Республикасининг элчисини “персона нон грата” деб эълон қилиб, уни мамлакатдан чиқариб юборганди. Трамп ушбу давлат ҳукуматини оқ танли фермерларга нисбатан зўравонликда айблаган.
АҚШ президенти Доналд Трамп АҚШда ўтадиган G20 тадбирларига Жанубий Африкани таклиф қилмайди.
АҚШ Давлат департаменти Жанубий Африка Республикасининг АҚШДАги элчисини “персона нон грата” деб эълон қилиб, уни мамлакатдан чиқариб юборди.
Трамп ижтимоий тармоқдаги Жанубий Африка давлати келаси йили Флорида штатининг буюк шаҳри Майамида бўлиб ўтадиган 2026 йил G20 саммитига чақирилмаслигини маълум қилди.
“Жанубий Африка дунёга ўзининг ҳеч бир ташкилотларга аъзоликка лойиқ эмаслигини кўрсатди, ва биз уларга барча тўлов ва субсидияларни дарҳол тўхтатамиз" - дея қўшимча қилди у.
Дунёнинг энг муҳим иқтисодий тадбирларидан Жанубий Африканинг чиқариб ташланиши мисли кўрилмаган қадам бўлиб, йигирма йилдан ортиқ тарихида илк бор давлат бундай тарзда четлатилди.
Жанубий Африка Президенти Сирил Рамафоса Трампнинг гапларига жавоб берди.
“Жанубий Африка суверен, конституциявий демократик давлатдир ва бошқа бир давлатнинг глобал майдонларда иштирок этишдаги қадр-қиммати ҳақидаги ҳақоратларини қадрламайди”, дейилади Жанубий Африка президенти девонининг "Х"даги баёнотида.
Трамп феврал ойида оқ танли фермерларга нисбатан дискриминация бўлаётганини даъво қилиб, Жанубий Африкага ёрдамни тўхтатган эди. Ҳозирча қайси қўшимча тўловлар ва субсидиялар бекор қилинаётгани номаълум.
Маъмурият 2026 йилги йиғилишларда Полшани юқори даражада иштирок этишга таклиф қилишни режалаштирмоқда, дейилади хабарда.
Полша президенти АҚШ президенти Доналд Трамп билан илиқ муносабатларга эга бўлиб, G20га аъзо бўлишни фаол равишда истамоқда.
Карол Навроцкий сентябр ойида Трамп билан учрашгач, Трамп уни 2026 йилги G20 саммитида иштирок этишга таклиф қилганини айтган. Ушбу саммит 2026 йил декабрь ойида АҚШ президентининг Флорида штатидаги Дорал шаҳридаги гольф мажмуасида бўлиб ўтади.
Полша молия вазири ўтган ой берган интервьюсида шундай деган эди: “Бизда қарийб ўттиз беш йиллик узлуксиз иқтисодий ўсиш бўлганини ва дунёдаги йигирманчи йирик иқтисодий давлат эканлигимизни, жумладан, Швейцариядан ҳам олдинда эканимизни ҳисобга олсак, G20га қўшилиш истакларимиз тўлиқ асосли.”
Бу орада, Трамп маъмурияти даврида АҚШ ва Жанубий Африка ўртасидаги муносабатлар кескин ёмонлашди. Март ойида АҚШ Давлат департаменти Жанубий Африка Республикасининг АҚШДАги элчисини “персона нон грата” деб эълон қилиб, уни АҚШДАн чиқариб юборди.