Саида Мирзиёева куч тузилмалари раҳбарлари билан йиғилиш ўтказди
Унда гиёҳванд моддалар савдоси ва уюшган жиноятчиликка қарши курашиш масаласи кўтарилди.
Президент администрацияси раҳбари Саида Мирзиёева куч тузилмалари раҳбарлари билан йиғилиш ўтказди.
Қатъий ва доимий назоратни талаб қиладиган яна бир муҳим масала - гиёҳванд моддалар савдоси ва уюшган жиноятчиликка қарши курашиш экани таъкидланди.
"Бугун Президент Администрациясида куч тузилмалари раҳбарлари билан ишчи йиғилиш ўтказилди. Наркожиноятчилик, жиноий гуруҳлар ва ноқонуний қурол-яроғ айланмасига қарши курашиш бўйича мувофиқлаштирилган самарали тизимни қисқа муддатда яратиш вазифаси қўйилди" дея ёзади Мирзиёева.
"Жамиятда, биринчи навбатда ёшлар орасида гиёҳванд моддаларнинг тарқалишига йўл қўймаслик, ёш авлодни гиёҳвандлик балосидан асраш ва фуқаролар хавфсизлигини таъминлаш давлатнинг бевосита бурчидир. Бу йўналишдаги ҳар қандай ноқонуний хатти-ҳаракатларга қатъий равишда чек қўйилиши шарт", дея такидланади хабарда.