Аёлларга нисбатан зўравонлик турлари
Бу борадаги қонунчилик талабларига риоя этилиши, зўравонликка учраган аёлларни реабилитация қилиш ва ижтимоий ҳаётга қайтариш бўйича ишлар аслида қандай кетяпти?
Юртимизда инсон ҳуқуқларини ва гендер тенглигини таъминлаш борасида улкан ишлар амалга ошириб келиняпти. Жамиятда ва сиёсатда ҳам аёлларнинг мавқеси тобора юксалиб бормоқда. Аммо оилада хотин-қизларнинг мавқеси, аёлларга тазйиқ ва зўравонлик билан боғлиқ нохуш муаммолар ҳамон долзарб бўлиб қоляпти.
Бу борадаги муаммоларга чек қўйиш, уларнинг салбий оқибатларини бартараф этишда Ижтимоий ҳимоя миллий агентлигининг Аёлларни реабилитация қилиш ва мослаштириш республика маркази ҳам катта ҳисса қўшиб келмоқда.
Биз вазиятни ўрганиш мақсадида ушбу марказ директори Зебунисо Муҳаммадиева билан суҳбатлашдик. Аёлларга зўравонликни чеклаш борасидаги қонунчилик талабларига риоя этилиши, зўравонликка учраган аёлларни реабилитация қилиш ва ижтимоий ҳаётга қайтариш юзасидан амалга оширилаётган ишлар ҳамда уларнинг қанчалик самара бераётгани билан танишдик.
Суҳбатдошимиз маиший ва ижтимоий ҳаётда аёлларнинг бузилган ҳуқуқларини тиклаш борасидаги тавсиялари билан ҳам ўртоқлашди.