ОАВ: АҚШ ва Россия Украина учун махфий "тинчлик режаси" тайёрлади
28 банддан иборат режа тўртта йўналишни қамраб олади: Украинадаги урушни тугатиш, хавфсизликни кафолатлаш, Европада барқарорликни мустаҳкамлаш ва АҚШнинг Россия ва Киев билан келажакдаги муносабатларини қуриш.
ОАВ хабарига кўра, АҚШ ва Россия Украина учун махфий "тинчлик режаси"ни тайёрламоқда.
АҚШ ва Россия ҳукуматлари Украинадаги урушни тугатиш учун кенг кўламли режани яширинча ишлаб чиқмоқдалар, деб хабар беради Axios.
Музокаралар қатъий махфийликда олиб борилмоқда ва ҳужжат Трамп маъмуриятининг Ғазодаги можарони ҳал қилишдаги муваффақиятли тажрибасидан "илҳомланган".
28 банддан иборат режа тўртта соҳани қамраб олади: Украинадаги урушни тугатиш, хавфсизликни кафолатлаш, Европада барқарорликни мустаҳкамлаш ва АҚШнинг Россия ва Киев билан келажакдаги муносабатларини қуриш.
АҚШ президентининг махсус вакили Стивен Уиткофф ҳужжатни тайёрлашда фаол иштирок этмоқда. Октябр ойида у Майамида Кремл вакили Кирилл Дмитриев билан уч кунлик музокаралар ўтказди.
Режа тафсилотлари кейинчалик оммавий ахборот воситаларида пайдо бўлди. Financial Times газетасининг аноним манбаларга таяниб хабар беришича, таклиф қуйидагиларни ўз ичига олади:
— қолган Донбассни топшириш ва Украина армиясини икки баравар қисқартириш;
— рус тилига расмий мақом бериш;
— Москва Патриархатининг православ черковини тан олиш;
— АҚШ ҳарбий ёрдамини камайтириш;
— хорижий қўшинларни жойлаштиришни тақиқлаш.
Нашр таъкидлаганидек, ҳужжатни кўриб чиққан Киевдаги расмийлар унинг асосан Москванинг максималист талабларига мос келишига ва жиддий тузатишларсиз қабул қилиниши мумкин эмаслигига ишонишади.
19 ноябр куни Украина раҳбари "музокараларни фаоллаштириш" учун Туркияга келди. Анқарада Зеленский билан учрашувидан сўнг, президент Эрдўғон мамлакатларни музокаралар столига қайтишга чақирди.