Айрим қурилиш техникаси, асбоб-ускуна, бутловчи буюмлар божхона божидан озод этилади
Улар Қорақалпоғистондаги Ёшлар ижтимоий-иқтисодий маркази учун мўлжалланган бўлиши ва Ўзбекистонда ўхшаши бўлмаслиги керак.
Айрим қурилиш техникаси, асбоб-ускуна, бутловчи буюмлар божхона божидан озод этилади.
Президентнинг "Қорақалпоғистон Республикасида тўғридан-тўғри хорижий инвестицияларни жалб қилиш ҳисобига Ёшлар ижтимоий-иқтисодий марказини барпо этиш чора-тадбирлари тўғрисида" қарори қабул қилинди.
Қарор 2025 йил 3 ноябр куни имзоланган.
Қарор билан ушбу Марказ ҳудудида инвестиция лойиҳаларини амалга ошириш даврида Ўзбекистон Республикасида ўхшаши ишлаб чиқарилмайдиган, белгиланган тартибда шакллантириладиган рўйхатлар бўйича Ўзбекистон Республикаси ҳудудига олиб кириладиган қурилиш техникаси, асбоб-ускуна, бутловчи буюмлар, эҳтиёт қисмлар, қурилиш материаллари ва металл конструкциялар божхона божидан озод этилди.
Марказни ташкил этиш мақсадида хитойлик инвесторлар томонидан 2026-2030 йилларда 400 млн доллардан зиёд инвестиция киритилади. Марказ ҳудудида университет, технопарк, маданий объектлар, ёшлар бандлигини таъминлашга қаратилган корхоналар йўлга қўйилади.
Қурилган ижтимоий соҳа объектлари Соғлиқни мақлаш ва Мактабгача ва мактаб таълими вазирлиги тасарруфига ўтказиб берилади.