15 декабр Бутунжаҳон туркий тиллар куни деб эълон қилинди
1893 йилнинг айнан шу кунида даниялик олим Вилгелм Томсен Ўрхун битиклари алифбосини ўқиб чиққанини маълум қилганди.
15 декабр — Бутунжаҳон туркий тиллар куни сифатида белгиланди.
ЮНЕСКО Бош конференциясининг Самарқанддаги сессиясида 15 декабр — Бутунжаҳон туркий тиллар куни, деб эълон қилинди.
Бу сана рамзий маънога эга. 1893 йилнинг айнан шу кунида даниялик олим Вилгелм Томсен ўзбек, озарбайжон, қозоқ, қирғиз, турк ва туркман тилларининг вужудга келишига сабаб бўлган, туркий тиллар оиласининг келиб чиқишидан далолат берувчи энг қадимги ёзма ҳужжатлардан бири — Ўрхун битиклари алифбосини ўқиб чиққанини маълум қилган.
ЮНЕСКО маълумотларига кўра, туркий тиллар дунё бўйлаб 12 миллион квадрат километрга яқин ҳудудда яшовчи 200 миллиондан ортиқ инсоннинг она тили ҳисобланади.