Наманганда чиқинди тарифлари оширилади

Халқ депутатлари Наманган вилояти кенгаши 1 ноябр куни маиший чиқиндиларни тўплаш ва олиб кетиш тарифларини ошириш ҳақида қарор қабул қилган.

Янги нархлар қарор расмий манбаларда эълон қилинган кундан кучга кириши айтилган, аммо бу қонунчиликка зид ҳисобланади. Қонунчиликка кўра, ҳар қандай коммунал тўловлар тарифлари янгиланса, камида 15 кун олдин эълон қилиниши керак.

Янги нархлар:

• аҳоли учун ойига бир кишига – 7280 (ҚҚС билан) сўм;
• юридик корхоналар учун (бир метр куб) – 100 800 (ҚҚС билан) сўм.

Ҳозирча вилоятнинг бирорта расмий нашрида бу ҳақда эълон берилмаган. Ҳокимиятнинг расмий сайти эса ишламаяпти.