Тошкентда иситиш мавсуми 3 ноябрдан бошланади
Шу куни дастлаб ижтимоий объектларга (мактаб, боғча, шифохона ва бошқалар) иссиқлик берилади.
Пойтахтда иссиқлик таъминоти 3 ноябрдан ёқилади. Бу ҳақда Тошкент шаҳар ҳокимлиги хабар берди.
Тошкентда иссиқлик берилиши бошланади.
Тошкент шаҳар ҳокимлиги қарорига кўра, 3 ноябрдан — ижтимоий объектларда (мактаб, боғча, шифохона ва бошқаларда), 5 ноябрдан — турар жой биноларида марказлашган иссиқлик таъминоти йўлга қўйилади.
Аввалроқ Тошкент вилоятида иситиш тизими ёқилиши хабар қилинганди.
Шаҳар ва туман ҳокимлари 1 ҳафта ичида қўшимча равишда барча ижтимоий соҳа объектларидаги иситиш қозонларини хатловдан ўтказиши керак.