Равшан Ғуломов Президентнинг ҳудудий ривожланиш бўйича маслаҳатчиси этиб тайинланди
Обид Ҳакимов эса иқтисодий сиёсат бўйича маслаҳатчи бўлди ва Иқтисодий тадқиқотлар ва ислоҳотлар маркази директори лавозимидан озод этилди.
Ўзбекистон Республикаси Президентининг тегишли фармонлари билан қатор тайинловлар эълон қилинди.
Равшан Аюбович Ғуломов Президентнинг ҳудудий ривожланиш бўйича маслаҳатчиси лавозимига тайинланди. Шу муносабат билан у иқтисодий сиёсат бўйича маслаҳатчи лавозимидан озод этилди.
Обид Арзикулович Ҳакимо Президентнинг иқтисодий сиёсат бўйича маслаҳатчиси лавозимига тайинланди ва шу сабаб Президентнинг иқтисодий сиёсат бўйича маслаҳатчиси ўринбосари - Иқтисодий тадқиқотлар ва ислоҳотлар маркази директори лавозимидан озод этилди.
Азиз Юлдашевич Мағрупов Президентнинг ҳудудий ривожланиш бўйича маслаҳатчиси ўринбосари лавозимига тайинланди ва шу муносабат билан ташқи инвестициялар бўйича вакил лавозимидан озод этилди.