Ўзбекистон ва Сербия президентлари музокара ўтказди

Кўксарой қароргоҳида Ўзбекистон Президенти Шавкат Мирзиёев ва Сербия Президенти Александр Вучичнинг расмий делегациялар иштирокидаги музокаралари бўлиб ўтди.

Унда Ўзбекистон ва Сербия ўртасидаги амалий ҳамкорликни янада мустаҳкамлаш истиқболлари кўриб чиқилди.

– Дипломатик муносабатлар ўрнатилганининг 30 йиллиги нишонланаётган йилда расмий ташрифингиз тарихий воқеадир. Ўзбекистонда Сербияга катта хайрихоҳлик билан қарашади. Халқларимизни мустаҳкам дўстлик ришталари ва ўхшаш менталитет боғлаб туради, – деди Ўзбекистон Президенти.

Музокараларда:

• товар айирбошлашни кўпайтириш;
• машинасозлик;
• фармацевтика;
• кимё саноати;
• ахборот технологиялари ва рақамлаштириш;
• агросаноат мажмуи;
• туризм;
• тартибли меҳнат миграцияси;
• маданий-гуманитар ва таълим соҳаларидаги ҳамкорлик;
• “Марказий Осиё – Болқон” йўналишида янги транспорт йўлакларини, Транскаспий коридори доирасида ривожлантириш масалалари кўриб чиқилди.

Шунингдек, келгуси йилда Тошкент шаҳрида Ҳукуматлараро комиссиянинг биринчи йиғилиши ўтказилади.

Етакчилар минтақавий ва халқаро аҳамиятга молик долзарб масалалар юзасидан ҳам фикр алмашдилар.