Субсидияга ариза қабул қилиш бошланди

Ипотека субсидиясига ариза қабул қилиш бошланди.

2 октябрдан Ўзбекистонда ипотека кредитлари бўйича субсидиялар учун ариза топшириш жараёни қайтадан очилди.

Ариза бериш усуллари:

- давлат хизматлари марказларига бориш орқали;

Онлайн: my.gov.uz орқали.

Балл тўплаш мезонлари

Ҳудудлар (Қорақалпоғистон ва вилоятлар):

3 431 700 сўмдан 8 897 000 сўмгача маош – 10 балл;

8 897 000 – 10 168 000 сўмгача маош – 5 балл.

Тошкент шаҳри:

3 431 700 – 10 168 000 сўмгача маош – 10 балл;

10 168 000 – 11 693 200 сўмгача маош – 5 балл.

Қўшимча мезонлар:

Турар-жойи йўқ бўлса – 20 балл;

«Лабор-миграция» дастурида рўйхатдан ўтган бўлса – 10 балл.

Чекка ҳудудларда ишлайдиган мутахассислар, тиббиёт ходимлари, 30 ёшгача ёшлар, оғир аҳволдаги аёллар, ногиронлиги бўлган шахслар – 5 баллдан.

Балллар асосида энг кўп устуворликка эга оилалар субсидия олиш имкониятига эга бўлади.

Аввалроқ олий тоифали ўқитувчиларга ипотека кредити берилиши маълум бўлганди.

Ушбу кредит бошланғич бадалининг 25 фоизини давлат қоплаб беради. Педагогнинг ўқишга кирган фарзанди контракти учун чегирма жорий этилади.