Россияда ишлаб чиқарилган гел талабга жавоб бермаслиги аниқланди
Назорат инспекцияси Қарши шаҳридаги дўконда сотилаётган "Persil" гели бўйича лаборатория текшируви ўтказди.
Россия маҳсулотини Ўзбекистонга олиб киришга тақиқ қўйилди.
Бу ҳақда Техник жиҳатдан тартибга солиш соҳасида назорат инспекцияси хабар берди. Инспекция буйруғи асосида Қашқадарё вилояти, Қарши шаҳридаги савдо дўконида сотилаётган Россия давлатида ишлаб чиқарилган “Persil Color Gel Deep” савдо белгиси остидаги гел-концентрат маҳсулотидан назорат хариди ўтказилди.
Лаборатория таҳлиллари шуни кўрсатдики, харид қилинган маҳсулот белгиланган талаб ва меъёрларга тўлиқ жавоб бермаслиги аниқланди.
Салбий оқибатлари: ушбу кўрсаткичнинг белгиланган меъёрлардан юқори бўлиши инсон терисида қизариш хавфини келтириб чиқариши ҳамда автомат кир ювиш машиналарининг ишлашига салбий таъсир кўрсатиши мумкин.