Айтжан Халмаханов юнон-рум кураши бўйича жаҳон чемпиони бўлди
У жанубий кореялик Чунг Хан-Жаени мағлубиятга учратишга эришди. Ўзбекистон вакиллари бу спорт турида 24 йил ичида илк бор чемпионликни қўлга киритди.
Айтжан Халмаханов 24 йиллик танаффусдан кейин юнон-рум кураши бўйича жаҳон чемпиони бўлган илк ўзбекистонликлик спортчига айланди.
Хорватиянинг Загреб шаҳрида ўтаётган спорт курашлари бўйича жаҳон чемпионатидан хушхабар. Юнон-рум кураши бўйича Ўзбекистон терма жамоаси аъзоси Айтжан Халмаханов олтин медални қўлга киритди.
63 кг вазн тоифасида баҳс олиб борган ҳамюртимиз ҳал қилувчи беллашувда жанубий кореялик Чунг Хан-Жаени мағлубиятга учратишга эришди.
Бу сўнгги 24 йил ичида юнон-рум кураши бўйича дунё биринчилигида ўзбекистонлик атлетларнинг қўлга киритган дастлабки олтин медаьи бўлди.
Шу тариқа, Ўзбекистон терма жамоаси мазкур мусобақада 1 та олтин, 1 та кумуш ва 3 та бронза медальларини жамғаришга эришди.
Олтин медал:
-63 кг: Айтжан Халмаханов (юнон-рум кураши)
Кумуш медал:
-60 кг: Алишер Ғаниев (юнон-рум кураши)
Бронза медал:
-57 кг: Ғуломжон Абдуллаев (эркин кураш)
-65 кг: Умиджон Жалолов (эркин кураш)
-72 кг: Абдулло Алиев (юнон-рум кураши)