Грин картага рўйхатдан ўтиш пуллик бўлади
Йиғилган пуллар тизим харажатларига йўналтирилади. Йиғимлар бир йилда тахминан 25 миллион доллар фойда келтиради.
Грин карта лотереяси энди пуллик бўлади.
АҚШ Давлат департаменти Diversity visa лотереясида рўйхатдан ўтиш учун 1 долларлик йиғим жорий этилишини эълон қилди. Бу ҳақда департамент сайтида айтилган.
Тегишли қоида 16 сентябрда эълон қилинган ва у октябр ойидан кучга кириши керак. Ғолиб бўлган тақдирда виза сўровини кейинги кўриб чиқиш учун йиғим ўзгаришсиз қолади – 330 доллар.
Янги тўловлар тизим, маълумотларни сақлаш, автоматик танлаш ва хавфсизликни текшириш харажатларини қоплашга ёрдам беради. Тўлов, шунингдек, сохта аризалар сонини камайтириши керак. Бу ҳар йили тахминан 25 миллион доллар қўшимча даромад келтиради.
Эслатиб ўтамиз, аввал грин карта лотереясида қатнашиш мутлақо бепул эди.
Ўзбекистон грин картага талабгорлар энг кўп мамлакатлардан саналади. Ҳар йили миллионлаб фуқаролар ушбу лотереяга ариза топширади.