Эндиликда исмни машинага рақам қилиб қўйиш мумкин бўлади
Бу тартиб 2026 йил 1 январдан амалда бўлади. Номлар қонунчилик ва ахлоқий нормаларга хилоф маънога эга бўлмаслиги керак.
Ўзбекистонда ҳам исмни машинага рақам қилиб қўйиш мумкин бўлади.
Ҳукуматнинг 562-сон қарори билан Ўзбекистонда ҳам исмни машинага рақам қилиб қўйишга рухсат берилади.
Ҳужжатга кўра, 2026 йил 1 январдан бошлаб “Uzavtomotobelgi” давлат унитар корхонасига аҳолининг талаб ва таклифидан келиб чиққан ҳолда автомототранспорт воситалари учун олтитагача ҳарф ва (ёки) рақамлар комбинациясидан иборат бўлган “ноёб” давлат рақами белгиларини очиқ ким ошди электрон савдоларини ўтказиш орқали бериш ҳуқуқи берилди.
Бунда “ноёб” давлат рақами белгилари амалдаги давлат рақами белгиларини такрорламаслиги, қонунчиликка ва ахлоқий нормаларга хилоф маънога эга бўлмаслиги керак.
Масалан, энди кўчаларда “ZEBO”, “ELBEK”, “AZIZA”, “ODIL” ёки “BUXORO” деб ёзилган рақамли машиналарни кўришимиз мумкин.