Uzcard тизимида носозлик кузатилмоқда
Тизим сайти ҳам яхши ишламай қолган. Ҳозирда ҳолатни бартараф этиш ишлари олиб борилмоқда.
Uzcard тўлов тизимида носозлик кузатилмоқда.
Тўлов хизмати хабарига кўра, тизимда режадан ташқари профилактика ишлар олиб борилган.
Ягона умумреспублика процессинг маркази" АЖ 2025 йил 28 августда Uzcard тизимида режадан ташқари профилактика ишлари олиб борилаётгани хабар қилди.
Шу муносабат билан вақтинчалик узилишлар:
- банкоматлар (АТМ);
- E-POS ва POS терминаллари;
- халқаро банк карталари;
- чет элда кобейдж карталари фаолиятида кузатилаётган бўлиши мумкин.
Шунингдек, Uzcard сайтида ҳам носозлик кузатилмоқда.
"Вақтинчалик ноқулайликлар учун узр сўраймиз ва мутахассисларимиз ушбу носозликларни бартараф этиш ва тизимнинг барқарор ишлашини тиклаш устида иш олиб бораётганини маълум қиламиз", дейилади тизимнинг Телеграмдаги саҳифасида.