SpaceX'дан катта натижа: Starship ракетаси муваффақиятли учирилди
Объект саккизта Starlink сунъий йўлдошини коинотга олиб чиқди. Сўнгра Ҳинд океанига тушиб, портлаб кетди.
Space X ўзининг Starship ракетасини муваффақиятли учирди.
Ракета коинотга саккизта Starlink сунъий йўлдошини олиб чиқди - бу ракета учун биринчи муваффақиятли юк синови саналади.
Гап нима ҳақида?
Ракета Техасдаги Starbase учириш майдонидан кўтарилган. Парвоз пайтида Super Heavy кучайтиргичи (ракетанинг биринчи босқичи вазифасини бажаради) барча 33 двигателни ишга туширди. Тахминан етти дақиқадан сўнг, ракетанинг юқори поғонаси ажралиб чиқди ва парвозини давом эттирди ва максимал баландлик деярли 200 километрга этди.
Super Heavy асосий қисмдан ажралиб чиқди, ерга қайтиб келди, тушиш пайтида қўниш тормозини муваффақиятли ишлатди ва Мексика кўрфазига чўкиб кетди.
Парвоз тахминан бир соат давом этди. Кейин ракетанинг юқори босқичи ортга қайтиб, Ҳинд океанига тушган ва портлаб кетди. SpaceX барча асосий синов мақсадларига эришилганини хабар қилди.
Бу Starship ракетасининг ўнинчи синови бўлди. Ракета аввалги учта учиришда муваффақиятли қўна олмади ва июнь ойида у парвозга тайёрланаётган вақтда учириш майдончасида портлаб кетди.
CNN маълумотларига кўра, SpaceX ниҳоят кеманинг ушбу версиясини Ер атмосферасида портламаган ҳолда, у билан алоқани йўқотмасдан қайтариш йўлини топган кўринади.