Наманганда тақиқланган ташкилот ғоялари таъсирига тушган 21 киши қўлга олинди
Уларнинг тўрт нафарига айблов эълон қилинган. Қолганларга нисбатан эса тергов давом этмоқда.
Наманган вилоятида халқаро террористик ташкилот ғоялари таъсирига тушган шахсларнинг ноқонуний ҳаракатларига чек қўйилди.
ДХХ ва Наманган вилояти ИИБ ходимлари ўтказган тезкор тадбирларда "Ислом давлати" террористик ташкилоти таъсирига тушган 21 нафар шахс қўлга олинди.
Гап нима ҳақида?
Ушбу жамоат етакчиси Поп туманида яшаб келаётган шахс бўлган. У айни пайтда Жанубий Кореяда мавсумий ишлаб келаётган шахс билан танишиб, унинг таъсирида Телеграм канал очиб, тақиқланган материаллар жойлаб келган.
Улар ўзаро шаръий никоҳ ўқитиб, келгусида жанговар ҳаракатлар бўлаётган ҳудудларга кетишни режа қилган.
Улар яна каналлар очиб, уларга яқин қариндошларини жалб қилишган ва жанг саҳналари, амалдаги тузумни ағдариш бўйича материалларни жойлашган.
Ҳозирда жамоатнинг 4 нафар аъзосига ЖКнинг 244-моддаси 1 ва 2-қисмлари доирасида жиноий иш очилиб, икки киши қамоққа олинган. Қолган 17 кишига нисбатан тергов ишлари олиб борилмоқда.
ДХХ аввалроқ Сурхондарёда энергетика мансабдори, Фарғонада Халқ қабулхонаси ходимини пора ушлаганди.
Мансабдор фермер хўжалиги қарздор эканига қарамай, электр тармоғига қайта улаб бериш эвазига пул талаб қилган.