Ҳусан Абдувоҳидов Пахтакор тумани ҳокими этиб тайинланди
У аввал БМТ Озиқ-овқат ва қишлоқ хўжалиги ташкилотининг Ўзбекистондаги ваколатхонаси лойиҳасида ишлаган.
Ҳусан Абдувоҳидов Жиззах вилоятининг Пахтакор тумани ҳокими этиб тайинланди.
Пахтакор туманида 22 август куни Халқ депутатлари туман Кенгашининг навбатдан ташқари сессияси бўлиб ўтди. Йиғилишда ташкилий масала кўрилди.
Вилоят ҳокимининг Абдувохидов Хусан Бўлтаковични Пахтакор тумани ҳокими вазифасини бажарувчиси этиб тайинлаш тўғрисидаги қарори депутатлар томонидан бир овоздан маъқулланди.
Абдувоҳидов Ҳусан Бўлтакович янги лавозимга тайинлангунга қадар 2023 йилдан буён Бирлашган Миллатлар Ташкилотининг Озиқ-овқат ва қишлоқ хўжалиги ташкилотининг Ўзбекистондаги ваколатхонаси томонидан амалга оширилаётган лойиҳада молиявий масалалар бўйича маслаҳатчи бўлиб ишлаб келган.
Эслатиб ўтамиз, 2022 йилдан буён Пахтакор тумани ҳокими бўлиб ишлаб келаётган Ашуров Асилбек Рахмонович Шароф Рашидов тумани ҳокими лавозимига тайинланганди.