Трамп энди Зеленский билан учрашади
АҚШ президенти Путин билан натижа келтирмагани айтилган учрашувдан сўнг, Европа етакчилари билан гаплашди.
Украина президенти Владимир Зеленский 18 август куни Вашингтонда АҚШ президенти Доналд Трамп билан учрашишини айтди.
Зеленский АҚШ ва Россия президентларининг учрашувидан кейин Доналд Трамп билан бўлиб ўтган телефон суҳбатини “мазмунли” деб атади.
"Президент Трамп билан аввалига яккама-якка, кейин Европа етакчилари иштирокида узоқ ва мазмунли суҳбат бўлди. Умуман олганда, биз президент Трамп билан бир ярим соатдан кўпроқ суҳбатлашдик. Президент Трамп менга Россия раҳбари билан учрашуви, суҳбатнинг асосий нуқталари ҳақида маълумот берди", — деб ёзди Зеленский ижтимоий тармоқларида.
Шунингдек, у уч томонлама музокаралар форматида иштирок этишга рози бўлди. “Биз президент Трампнинг Украина, Америка ва Россия ўртасида уч томонлама учрашув ўтказиш ҳақидаги таклифини қўллаб-қувватлаймиз”, деди Зеленский.
Зеленский, шунингдек, 18 июн куни Вашингтонда Трамп билан сулҳ тафсилотларини муҳокама қилишни режалаштираётганини айтди.
Путин-Трамп саммити
15 август куни Россия президенти Путин ва АҚШ етакчиси Трамп Аляскада учрашди.
Учрашувда аниқ келишувга эришилмагани хабар қилинди. Шунингдек, Путин Россия урушни тугатишдан манфаатдор экани ҳақида гапирган.