ОАВ: Россия Украина билан ҳавода сулҳга эришмоқчи
Таклиф ракета ва дронлардан фойдаланган ҳолда зарбалар беришни тўхтатиб туришни ўз ичига олади.
Россия ва Украина ҳаводаги тўқнашувларни тўхтатиши мумкин.
Россия ҳукумати иккиламчи санкциялар таҳдидининг олдини олиш мақсадида АҚШ президенти Доналд Трампнинг Украинада ҳаво сулҳ тузиш ҳақидаги таклифини кўриб чиқмоқда, деб ёзади Bloomberg манбаларга асосланган ҳолда.
Агентлик манбаларига кўра, ҳаво сулҳига оид таклиф ракета ва дронлардан фойдаланган ҳолда зарбаларни тўхтатиб туришни ўз ичига олади. АҚШ президентининг элчиси Стив Уиткоффнинг Россияга ташрифи Москвага Доналд Трамп билан “кечиктирилган келишувга эришиш имкониятини” беради.
Манбалардан бири, агар Украина ҳам бунга рози бўлса, ҳаво сулҳига эришиш мумкинлигини таъкидлади.
ТАСС хабарига кўра, Стив Уиткофф 6 август куни Россияга учиб кетди.Кремл унинг президент Владимир Путин ва бошқалар билан учрашишини истисно этмади.
РБК-Украинанинг ёзишича, АҚШ президентининг вакили Кит Келлог яқин кунларда расмий ташриф билан Украинага боришни режалаштирмоқда.
Эслатиб ўтамиз, 8 августда белгиланган муддат тугайди, шундан сўнг Доналд Трамп агар Москва Украинадаги можарони ҳал қилмаса, Россия ҳамкорларига 100 фоизлик божлар жорий этишга ваъда берган эди.
1 август куни Беларус президенти Александр Лукашенко АҚШ президентининг баёнотини изоҳлар экан, Россия ҳаво сулҳига эришишдан манфаатдор эканини айтди.