Шўрчидаги савдо марказида ёнғин содир бўлди
Ёнғинни бартараф этишга 10 та ёнғин-қутқарув экипажи жалб этилган.
Шўрчи туманидаги савдо марказида ёнғин юз берди.
4 август куни Сурхондарё вилояти, Шўрчи тумани, Боботоғ МФЙда жойлашган 3-қаватли савдо марказининг биринчи ва иккинчи қаватларида ёнғин содир бўлганлиги тўғрисида ФВБга хабар келиб тушган.
Шунга кўра ёнғин-қутқарув экипажлари воқеа жойига етиб бориб, ёнғин ўраб олинган ва ҳозирда бартараф этилди. Ёнғин ҳозирда тўлиқ ўчирилган.
Ёнғинни бартараф этишга 10 та ёнғин-қутқарув экипажи ва 2 та сув ташувчи машина жалб этилган.
Тан жароҳати олганлар тўғрисида маълумот келиб тушмади.