Аббосбек Файзуллаев расман "Истанбул Башакшехир" футболчисига айланди
У мазкур клубда Ўзбекистон терма жамоаси ҳужумчиси Элдор Шомуродов билан бирга ўйнайди.
Ўзбекистон терма жамоаси ярим ҳимоячиси Аббосбек Файзуллаев расман "Истанбул Башакшехир" футболчиси бўлди.
Бу ҳақда турк клуби ўзининг ижтимоий тармоқларида эълон қилди. Москванинг ЦСКА клуби ҳам хайрлашув видеосини эълон қилди.
Аббосбек Файзуллаев янги жамоасида 11 рақам остида тўп тепади.
Эслатиб ўтамиз, янги мавсум стартидан олдин Ўзбекистон терма жамоаси ҳужумчиси Элдор Шомуродов "Истанбул Башакшехир"га ижара асосида ўтган эди.
Файзуллаев ЦСКАда ўтказган 2 мавсум давомида 72та баҳсда майдонга тушиб, 8та гол урди ва 22та голли пас берди.