Андижонда автомобилларга техник хизмат кўрсатиш шохобчасида бир киши халок бўлди
Шохобча ичида бўлган "Labo" автомашинаси тўлиқ ёниб кетган, яна бир киши оғир жароҳат олган.
Асака туманида автомобилларга техник хизмат кўрсатиш шохобчасида содир бўлган ёнғинда бир киши ҳалок бўлди.
Бош прокуратура хабарига кўра, ҳодиса юзасидан Жиноят кодексининг 259 (Ёнғин хавфсизлиги қоидаларини бузиш) моддаси билан жиноят иши қўзғатилди.
Дастлабки олинган маълумотларга кўра, ёнғин оқибатида бир нафар шахс вафот этган, бир нафари эса оғир тан жароҳати олган.
Шохобча ичида бўлган "Labo" русумли автомашинаси тўлиқ ёниб кетган.
Жиноят иши доирасида суд-тиббий, ёнғин сабаблари бўйича ёнғин-техникавий ва бошқа зарур экспертизалар тайинланган.
Тергов ҳаракатлари давом этмоқда.
Аввалроқ Кўкдаладаги газ тўлдириш шохобчасида юз берган портлашда тўрт киши ҳалок бўлганди.