Хитой Европа санкцияларига кескин муносабат билдирди
Россияга қарши 18-санкциялар пакетидан Хитой компаниялари ҳам жой олганди. Бу расмий Пекин томонидан совуқ кутиб олинди.
Хитой Россияга қарши навбатдаги санкциялар юзасидан жиддий баёнот берди.
Хитой Савдо вазири Ван Вентао Европа Иттифоқининг Хитой компанияларини Россияга қарши янги санкциялар пакетига киритиш қарори юзасидан савдо бўйича Европа комиссари Марош Шефчовичга жиддий норозилик билдирган. Бу ҳақда вазирлик сайтидаги хабарда айтилади.
Таъкидланишича, Вентао ва Шефчович 22 июл куни видеомулоқот ўтказган. Томонлар Хитой ва ЕИ ўртасидаги иқтисодий ҳамкорлик масалаларини “очиқ ва чуқур” муҳокама қилдилар.
“Шунингдек, Хитойнинг икки молия институтини Россияга қарши санкцияларнинг 18-пакетига киритиш бўйича жиддий тақдимот намойиш этилди”, — дейилади баёнотда.
Эслатиб ўтамиз, ЕИ аллақачон Россияга қарши 19-санкция пакети устида иш бошлаган. "Европа Иттифоқи билан биргаликда биз Россияни ўт очишни тўхтатишга мажбурлаш учун кенг кўламли санкциялар пакетини қабул қилдик. Ва биз яна янги, қаттиқроқ санкциялар пакетини тайёрлаймиз”, деди Франция ташқи ишлар вазири Жан-Ноэл Баррот.
18-санкциялар пакети Россия нефт саноатига зарба беришни ккўзда тутади. У энг қаттиқ санкциялардан бири деб аталганди. Шунингдек, Ғарб Хитойни Россияни урушда қўллашда айблаб келади.