Бинямин Нетаняхуга ичак яллиғланиши ташхиси қўйилди
У овқатдан заҳарлангани айтилмоқда. Бош вазир бир неча кун масофадан туриб вазифасини бажаради.
Исроил Бош вазири Бинямин Нетаняхуга ичак яллиғланиши ташхиси қўйилган. Бунинг сабаби бузилган овқат истеъмол қилиш бўлган. Бу ҳақда Бош вазир девони матбуот хизмати хабар берди.
Нетаняху 20 июлга ўтар кечаси ўзини ёмон ҳис қила бошлаган. Ҳозирда унинг аҳволи яхши деб баҳоланмоқда. Бош вазир ҳозирда даволаниш муолажаларини ўтказмоқда. У кейинги уч кун давомида уйда ишлайди.
Ўтган йилнинг охирида Бенямин Нетаняху простата безини олиб ташлаш билан боғлиқ операцияни муваффақиятли ўтказди. Даволаниш даврида Бош вазир ваколатларини Исроил Адлия вазири Ярив Левин амалга оширди.
Эслатиб ўтамиз, аввалроқ Исроил ҳарбийлари Ғазода озиқ-овқат учун келаётганларни ўққа тутиб, 32 кишини ўлдирганди.