ЕИ Россияга қарши "кучли санкциялар" пакетини жорий этди
Россия нефти учун энг баланд нарх тахминан 47,6 долларгача камайтирилади. Санкциялар "Шимолий оқим 1" ва "Шимолий оқим 2" газ қувурлари билан боғлиқ транзакцияларни ҳам тақиқлайди.
Европа Иттифоқи Россияга қарши янги санкциялар пакетини маъқуллади.
Европа дипломатияси раҳбари Кая Калласнинг сўзларига кўра, бу “ҳозирги кунгача Россияга қарши жорий этилган энг қаттиқ санкциялардан бири”.
Калласнинг айтишича, Европа Украинани қўллаб-қувватлашдан воз кечмайди ва Россия урушни тугатмагунча босимни кучайтиради.
ЕИнинг Россияга қарши санкцияларининг 18-пакети G7 мамлакатлари учун нефт нархини бир баррел учун тахминан 47,6 долларгача камайтиришни ўз ичига олади. Бундан ташқари, санкциялар “Шимолий оқим 1” ва “Шимолий оқим 2” газ қувурлари билан боғлиқ транзакцияларни тақиқлашни назарда тутади, деб хабар бермоқда Reuters агентлиги исми ошкор этилмаган даниялик дипломатга асосланиб.
Аввалги оқшом Словакия Бош вазири Роберт Фицо мамлакатнинг Европа Иттифоқидаги вакилларига 18-санкция пакетини қўллаб-қувватлашни топширганини айтди. Ўзининг видеомурожаатида Фицо Европа комиссияси раҳбари Урсула фон дер Леен билан газ нархи бўйича Словакия учун кафолатлар бўйича келишиб олганини тушунтирди. Унинг сўзларига кўра, санкцияларнинг кейинги блокланиши “тескари самара” келтиради.
Словакиянинг вето қўйиши 18-санкция пакетининг қабул қилинишига ягона тўсиқ бўлди. Бунгача Братислава Европа Иттифоқи ташаббусини олти марта блоклаган.