Ўзбекистонлик ўқувчилар Халқаро кимё олимпиадасида тўртта медални қўлга киритди
Олтин медал эгаси бўлган икки ўқувчига 937 млн сўмдан пул мукофотлари берилади.
Ўзбекистонлик 4 нафар мактаб ўқувчилари Халқаро Кимё Олимпиадасида (ICHO 2025, Дубай) иштирок этиб, совриндор бўлди.
Улар 2 та олтин, 2 та кумуш медални қўлга киритди. Бу ҳақда "Эл-юрт умиди" жамғармаси хабар берди.
Олтин медал эгаси бўлган ўқувчиларнинг ҳар бирига 937 млн сўмдан пул мукофотлари берилади.
Ўқитувчиларга эса 168 млн 750 минг сўмдан, кумуш медалчиларга 562 млн сўмдан берилади.
Ўқитувчиларга эса 93 млн 750 минг сўмдан берилади.
Ғолиблар рўйхати:
- Далер Раҳимов - Абу Али ибн Сино мактаби ўқувчиси
(937 млн сўм мукофот);
- Миржаҳон Муҳаммадов - Абу Али ибн Сино мактаби
(937 млн сўм);
- Иброҳим Темуров- Олмалиқ, Бухоро мактаби
(562 млн сўм);
- Билолиддин Зуҳриддинов - Абу Али ибн Сино мактаби
(562 млн сўм).